Në Maqedoninë e Veriut të premten kanë mbërritur 200 mijë vaksina kundër sëmundjes COVID-19 të prodhuesit kinez “Sinofarm”. Ministri i Shëndetësisë, Venko Filipçe i cili së bashkë me ambasadorin kinez, Xhao Sung kishin dalë për të pritur dërgesën në aeroportin e Shkupit, tha se vaksinimi masiv do të nis të martën në Shkup dhe gjashtë qytete tjera. Sipas tij, në ditë pritet të vaksionohen mes 10 dhe 15 mijë persona. "Gjithçka po shkon sipas parashikimeve dhe vaksinat po shpërndahen në mënyrë korrekte sipas strategjisë së hartuar”, ka deklaruar ministri i Shëndetësisë, Venko Filipçe. Vaksina Sinofarm jepet në dy doza dhe ndryshe nga vaksina Pfizer, e cila duhet të ruhet në -70 gradë Celsius, vaksina kineze mund të ruhet edhe në një frigorifer të zakonshëm. Ministri i Shëndetësisë tha se së shpejti pritet të arrijë edhe një dërgesë prej 500 mijë vaksinave “Sinovak”, rreth 100 doza "Sinofarm", si dhe 26 mijë të tjera nga "Pfizer". Në Maqedoninë e Veriut deri të premten janë vaksinuar rreth 59 mijë persona ndërsa mbi 207 mijë janë paraqitur për vaksinim. Tani dy javë Maqedonia e Veriut shënon ulje të numrit të të infektuarve ndërsa me vendim të qeverisë janë miratuar edhe disa masa lehtësuese duke lejuar edhe punën e sektorit të gastronomisë në ambientet e hapura ndërsa është shkurtuar edhe ora policore. Sa i takon të infektuarve dhe viktimave, deri më tani në Maqedoninë e Veriut janë shënuar mbi 151 mijë të infektuar me koronavirus ndërsa 4.818 persona kanë humbur jetën.
Pamje: AFP
Top News është televizion informativ, i hapur në shkurt të vitit 2007. I konceptuar si format news, prioritet i saj është informimi i publikut përmes lajmit të fundit. Lidhje live për politikën, aktualitetin, kronikën, ekonominë, rajonin, botën, sportin, teknologjinë dhe show biz-in. “ Informohu i pari” , slogani për 24 orë lajme . Sjellim ndryshe realitetin mediatik në Shqipëri, ofrojmë një burim informacioni të saktë, të shpejtë, të besueshëm dhe të thelluar.
Për më shumë vizitoni: [ Ссылка ]
Subscribe to "Top Channel" on YouTube Channel for NEWS and TV
Shows HERE: [ Ссылка ]
For more content from click HERE: www.top-channel.tv
Like Top Channel on Facebook HERE: [ Ссылка ]
Follow Top Channel on Instagram HERE: [ Ссылка ]
Follow Top Channel on Twitter HERE: [ Ссылка ]
#Macedonia#Vaccine#TopChannel
