Екібастұз халқы биыл қыста тағы дірдек қағып, суық пәтерде отырамыз ба деп қауіптенеді. Себебі, жылыту маусымының басталуына бір апта уақыт қалса да қалада әлі күнге дейін жылу желілері жөнделіп бітпеген. Тұрғындар жұмыстар кешеуілдеп жатыр деп дабыл қағуда. Ал орталықтағы жаңадан салынған магистральды жылу құбыры сынақтан өту кезінде жарылып кетіп, бірнеше үйдің ауласын су басқан. Салдарынан кейбір тұрғындардың бау-бақшасы мен дүние-мүлкі жарамсыз болып қалған. Үй иелері енді шығындарын кімнен өндіріп алатындарын білмей отыр.
АЯУЛЫМ РАХЫМЖАНОВА, тілші:
– Жылу маусымы басталмай жатып екібастұздықтар әбігерге түсті. Мына орталық магистраль сынақ кезінде қысымға шыдамай, жарылып кеткен. Енді барлық су жер үйлерге кіріп жатыр.
Жарылған құбырдан атқылаған су әсіресе үш үйдің ауласын басып қалған. Тіпті Ситдиковтар әулетінің қақпасын құлатып, үйдің алды лай-батпаққа айналған. Сондықтан бау-бақшада пісіп тұрған көкөністерді жинай алмай қалды дейді тұрғындарү
НАТАЛЬЯ СИТДИКОВА, Екібастұз қаласының тұрғыны:
– Цунами сияқты су атқылады, қатты қорықтық. Құбыр қысымға шыдамай жарылған кезде тас аралас топырақ та ұшты. Осыны бақылайтын бір де бір жұмысшыны көрмедім. Егер маңайда балалар жүрсе не болар еді? Үйдегі мүлкіміз де бүлінді. Бақшадағы жемістер жарамсыз болып қалды.
МАРАТ ӨТЕГЕНОВ, Екібастұз қаласының тұрғыны:
– Барлығынан бұрын құрылыс материалдарым түкке жарамай қалды. Жиырма қап цемент, 1 жарым куб тақтай, жаңа есіктер барлығы судың астында жатыр.
Әзірге шығынды кімнің өтейтіні белгісіз. Зардап шеккендер прокуратураға арыз жазған. Ал өткен қыста әбден жаурап, зәрезеп болған тұрғындар жылу уақытылы берілмей қала ма деп алаңдап отыр. Өйткені, әлі күнге дейін қаладағы жылу құбырларының жөндеу жұмыстары аяқталмаған. Мәселен, сәуір айында қазылған Екібастұздың орталығындағы негізгі магистральды құбырлар әлі күнге дейін бір-біріне жалғанбапты.
Ал әкімдіктегілер қала жылу маусымына 96 пайыз дайын, сондықтан халыққа алаңдауға негіз жоқ дейді. Қала әкімінің айтуынша, қазір үш жылу магистралінде жөндеу жұмыстары аяқталған. Енді бірінде жұмыстар қажетті жабдықтың жоқтығынан тоқтап қалған.
АЯН БЕЙСЕКИН, Екібастұз қаласының әкімі:
– Ертең 4 компенсатор келеді. Оны орнату үшін бір сутка уақыт керек. ...Бүгінгі барлығы жоспарлы түрде жүргізіліп жатыр. Ешқандай тәуекелдер жоқ бүгінге күнде.
Қала басшысы жөндеу жұмыстары қыркүйектің соңына дейін аяқталады деп сендірді. Ал жылу 1 қазан күні берілмек. Негізі қаланың ішкі жылу желілерін ауыстыруға 7 миллиард теңге бөлінген екен. Оның 80 пайызы игеріліпті.









Бізді әлеуметтік желіде оқыңыздар:
Информбюро 31 [ Ссылка ]
Informburo kz [ Ссылка ]
Facebook - [ Ссылка ]
Instagram - [ Ссылка ]
Vkontakte - [ Ссылка ]
TikTok - www.tiktok.com/@informburo31
Біздің сайт: www.31.kz және www.informburo.kz
Біздің WhatsApp +7 777 331 31 31
#News #Kazakhstan #Жаңалықтар #Біздіңжаңалықтар #Нашиновости #Сегодня #Қазақстан #31канал

свернуть