طريقة عمل صلصة البابريكا و في فلسطين و الشام تدعى دبس الفلفل او صلصة الفلفل
صلصة الفلفل بدون سكر او مكسبات طعم ولون
لان الكيتو بينقي الجسم من سموم الأطعمة المعلبة لازم نحاول نعمل كل حاجتنا في البيت
الملعقة الكبيرة منه فيها ١.٥ كارب تقريبا
ممكن الباذنجان يتقطع حلقات ويتحط من الصوص ده وعليه اوريجانو وجبنة وفي الفرن
ممكن يتحط ملعقة على الشوربة لتغيير اللون
ممكن تستخدم مع الفاصوليا او السبانخ
ممكن يتحمر فلفل أخضر ويتحط عليه ملعقتين من الصلصة وعليه بيضتين ويكون أحلى شكشوكة
ممكن يتحمر بصلة صغيرة ويتحط عليها ملعقتين صلصة ونعمل رز الزهر (القرنبيط)
ممكن نسلق الدجاج وندوب ملعقة صلصة مع ملعقة سمن بلدي وندخن بيها الدجاج ونحمرهم في الفرن
طريقة العمل
صلصة الفلفل الأحمر .. طعم ولون طبيعي
انا عمري ما استخدمتها في مصر بس اتعودت عليها في تركيا وخصوصا ان مفيهاش المزازة اللي في صلصة الطماطم
انا عملتها المرة دي خليط طماطم مع بابريكا بس انتوا ممكن تعملوها فلفل فقط
الكمية حوالي ٢ كيلو طماطم و٢ كيلو فلفل أحمر
يفضل ان الفلفل يكون لونه أحمر قاني ويمكن إضافة فلفل حار
بعد مايتغسلوا ويتنظفوا ويتقطعوا .. بتحط الطماطم الاول ونحط فوقها الفلفل ونغطيها ونسيبها على نار متوسطة لحد ماتنزل ميتها و تبدأ تغلي .. نشيل الغطا ونسيبها مكشوفة عشان الميه اللي فيها تتبخر
كل فترة نقلبها لحد ما تبقى سميكة القوام .. نضيف ملعقة ملح كبير ونقلبها.. نقدر نضربها بعدها بالهاند بلندر او في الخلاط .. ونعبيهم وهمه سخنيين في برطمانات نظيفة ونتأكد ان الغطاء مفيهوش أي صدأ .. نقفل الغطا ونقلب البرطمان عشان نتخلص من الهواء ويبقى متعقم فيعيش فترة طويلة ونشيلهم في الثلاجة لما يبردوا
تقدري تستخدميها في المكرونة والطبيخ وصوص البيتزا و الشوربات .. واستمتعوا بطعم واكل مضمون بدون مواد حافظة أو مكسبات لون .. ملعقة واحدة تكفي
استخدمت في الأول طنجرة ٦ لتر ومكفتش واضطريت استخدم ١٠ لتر
الملعقة الكبيرة المليانة حوالي ٣٥ جرام وفيها
٥.٤ جرام كارب
٠.٣ جرام دهون
١.٣ جرام بروتين
٢٨ كالوري
تابعوني في الفيس بوك و إنتسجرام علشان تشوفوا وصفات جديدة و تعرفوا أكتر عن ريجيم قاراطاي
[ Ссылка ]
[ Ссылка ]
