هنتكلم المرادي عن الالتهاب السحائي او الحمى الشوكية وكل حاجة انت محتاج تعرفها عنه زي ايه هو الالتهاب السحائي وطريقة الوقاية والعلاج منه وازاي تمنع المضاعفات بتاعته زي الموت بعد الشر عنا وعن اولادنا
والاجراءات لمنع حدوث عدوى الالتهاب السحائي
اعمل subscribe عشان انت جميل ❤
صفحة القناة على ال facebook
[ Ссылка ]
تعريف
- الالتهاب السحائي او الحمى الشوكية او meningitis
وترجع تسميته للالتهاب السحائي بسبب انه بيبقى بسبب التهاب في ال 3 اغشية سحائية اللي بتحيط بالمخ والنخاع الشوكي
اسم الحمى الشوكية لان الاعراض بتبدا بحمى وبيكون الالتهاب في الاغئية اللي حوالين المخ والحبل الشوكي
- التهاب في الاغشية المبطنة للمخ
- ليه اسباب فيروسية وبكتيرية وممكن طفيلية وممكن كمان فطرية بتروح للاغشية اللي حوالين المخ وتسبب الالتهاب في المخ
ولكن الالتهاب السحائي الوبائي اللي بيسبب العدوى بشكل كبير زي اللي منتشر دلوقتي بيبقى بسبب البكتريا ودي انواع كتير بس اخطرها المكورات السحائية
وفي برضه من انواع البكتيريا المنتشرة المكورات الرئوية
- في حالة الاتلهاب السحائي الفيروسي الاعراض بتبقى اقل وبتبقى المضاعفات للمرض اقل خطورة عن الالتهاب السحائي البكتيري
- مشكلة المرض ده انه خطير جدااا ومشاكله كتيرة ولازم نتحرط بسرعة في حالة الشكك بس ان الطفل مريض بيه
بس من رحمة ربنا انه نادر الحدوث
الانتشار
-بينتقل عن طريق الرذاذ بمعنى ان الشخص المريض يعطس ويكح فالرذاذ اللي بيطلع منه ده ناقل للعدوى
ومش لازم يكون الشخص اللي قدامك باين انه مريض عشان تقلق منه
في ناس بتبقى ناقلة للعدوى وبيبقى اسمه carier
بمعنى انه عنده الباكتيريا دي جواه بس اعراض المرض مش ظاهره عليه بس ده ما يمنعش انه لو عطس في وشك انه ينقلك العدوى او المرض
عشان كده مهم جدا انكوا تخلوا بالكو من الموضوع ده
اعراض
- في الاول خالص زي دور برد حرارة وصداع ورشح والتهاب في الزور
- بعد كده في خلال ساعات او ايام بتبدا الاعراض المميزة للالتهاب السحائي الحقيقة تظهر
ويبدا يبقى عنده حساسية للضوء يعني مايقدرش يبص للنور وزغللة في العين وقئ مستمر ويحصل تشنجات عصبية ونوبات صرعية
وبيتلاقي طفح كده في الاغشية المخاطية اللي في العين
هتلاقي كور لونها احمر في الحدقة بتاعة العين و بيحصل حساسية لونها وردي عالجلد بسبب نزيف تحت الجلد
طب لو عايز تتاكد ده طفح جلدي عادي ولا نزيف تحت الجلد بتعمل ايه ؟
بتجيب كوباية ازاز وتضغط بيها على الطفح ده لو لقيت الدم اختفى يبقى ده طفح عادي اما لو لون الدم مختفاش يبقى ده نزيف تحت الجلد وساعتها بقى تقلق لان ده معناه ان عندك التهاب سحائي
-تبدا تشك اول ما تلاقي نفسك في اضطراب في الوعي يعني الطفل بينام كتير اومش قادر يصحى من النوم مع فقدان للوعي بعد ارتفاع في درجة حرارة الجسم
يعني العيل كان كويس وفجاة بقى همدان ومابيتحركش كويس
ولقيت طفح على جلده مش بيروح زي ما قولتلكوا
وفي الغالب الكباروممكن برضه الاطفال تلاقي العضلات بتاعة الرقبة شادة بمعنى ان لو المريض نايم وانت جيت تحرك راسه هتلاقي عضلات رقبته ناشفة جدا وبيتحرك معاك زي لوح الخشب مش قادر يحرك راسه معاك
وقاية
- التطعيم ضد المكورات السحائية والمكورات الرئوية وفعاليته من 85 ل 100 فالمية وده معناه انه فعال جدا جدا للاطفال
والتطعيم الجديد ضد الالتهاب السحائي ممكن نديه للاطفال من عمر شهرين
والتطعيم بيبقى في العضل وبيختلف في طريقته وفترة العلاج حسب سن الطفل
يعني لو الطفل سنه اقل من 6 شهور
بياخد جرعة عند شهرين وجرعة عند 4 شهور وجرعة منشطة وهو عنده سنة ونص
لو الطفل 6 فيما فوق لحد عمر المدرسة
الطفل هياخد جرعتين الجرعة الاساسية في اي وقت وبعدها بشهرين بياخد الجرعة المنشطة
والتطعيم متوفر في مراكز المصل واللقاح و في الصيدليات الكبيرة وممكن في بعض عيادات دكاترة الاطفال الخاصة
في المدارس الحكومية الاطفال بياخدو التطعيم ده يا اما في الحضانة او الابتدائي
في بقى تطعيم تاني اللي هو تطعيم المكورات الرئوية بس
- لو قابلت حد وشكيت انه عنده التهاب سحائي اخد علطول حقنة من عقار السيفتريكسون 250 او اخد كورس برشام سيبروفروكساسين 750 مللي جرام
او اي دوا فيه المادة الفعالة ريفامبيسين لمدة 3 ايام
مضاعفات
- الاعاقات الجسدية يعني الطفل ممكن يفقد الحركة في اطرافه
- او ممكن يحصل تلف في الدماغ والطفل يبقى عنده صعوبة كبيرة جدا في التعلم
- ممكن الطفل يفقد السمع او يفقد البصر
- تسمم في الدم او فشل كلوي
- وخامس حاجة انه ممكن يؤدي للوفاة
الاجراءات لمنع العدوى
- لو طفل تعبان ياخد اجازة من المدرسة عشان ماينشرش العدوى
-المدارس او اي مكان لازم يكون متهوي كويس عشان فرصة انتشار العدوى تكون اقل
- وبلاش نبوس الاطفال ولا نقرب نفسنا منهم عشان ماننقلهمش المرض
- التغذية الجيدة للطفل عشان نقوي من مناعة الطفل
علاج
- لو شيكت ان الطفل عنده التهاب سحائي اديله علطول حقنة بنسلين وابعته للمستشفى وماينفعش تستنى او تقول مش هديله حاجة لحد ما يروح المستشفى لان كل دقيقة بتعدي الالتهاب بيزيد حوالين المخ وده هياثر عليه في المستقبل زي مثلا ممكن تاثر عالسمع وتلاقي العيل مابيسمعش
يروح مستشفى الحميات والتشخيص بيبقى عن طريق عينة بتتاخد من سائل النخاع بيتقاس فيها نسبة البروتين ونسبة الجلوكوز ونسبة كرات الدم البيضة
وساعات بنحاجت لرنين مغناطيسي وبيبدا بعدها العلاج علطول وبيبقى مضادات حيوية حسب نوع الباكتيريا اللي عنده
ونوع الباكتريا بيتعرف عن طريق السائل اللي بيتاخد من النخاع
بمعنى اننا بنفصل الباكتريا من من سائل المخاع وبنعرف هي نوعها ايه
ولو كان المريض عنده اعراض الالتهاب السحائي وملقيناش باكتريا موجودة في سائل النخاع فده معناه ان سبب الالتهاب السحائي في الغالب فايرس وساعتها المريض بياخد مع المضادات الحيوية مضادات فيروسات
زي acyclovir مثلا
Ещё видео!