- - -
Shkarkoni aplikacionin A2: [ Ссылка ]
[ Ссылка ]
[ Ссылка ]
[ Ссылка ]
[ Ссылка ]
#A2 #A2NEWS
A2 NEWS | CNN Exclusive News Channel Affiliate
Presidentja e Komisionit Europian, Ursula von der Leyen shprehu mbështetjen e saj për të ndihmuar në rimëkëmbjen e Shqipërisë pas tërmetit të 26 nëntorit.
Në një konferencë të përbashkët me kryeministrin e Kroacisë, vend i cili mban Presidencën e radhës së Bashkimit Evropian, ajo njoftoi datën e mbajtjes së konferencës së donatorëve.
“Jemi të lumtur që konferenca e donatorëve për Shqipërinë do të mbahet më 17 shkurt, që vjen pas tërmetit të tmerrshëm. Do përpiqemi të ndërtojmë Shqipërinë pas tërmetit, është një mesazhi qartë nga ana jonë sa i përket kësaj çështje”, u shpreh Ursula Von Der Leyen.
Ndërkohë, Presidenti francez, Emmanuel Macron njoftoi në fund të vitit të kaluar se kjo konferencë do të mbahej në janar. Por siç duket është shtyrë për në shkurt.
Gjatë konferencës në Kroaci, Von der Leyen foli edhe për negociatat e anëtarësimit, ndërsa theksoi se muaji i ardhshëm do të jetë kyç për marrëdhënien me Ballkanin, por edhe për procesin e zgjerimit. Ajo vlerësoi arritjet e Shqipërisë dhe Maqedonisë së Veriut, ndërsa lëshoi një thirrje për shtetet anëtare të BE-së.
“Ne u kërkuam që të bënin shumë dhe ata përmbushën kushtet. Prandaj ne duhet të bëjmë pjesën tonë dhe të mbajmë premtimet”, deklaroi presidentja e KE.
