Ауа райының қолайсыздығына байланысты кеше Ақтөбе әуежайына 6 рейс кешігіп келді. Ақтау, Алматы, Нұр-Сұлтан, Оралдан келетін рейстер 6-7 сағатқа кейінге шегерілді. Сонымен қатар «Эйр Астана» әуе компаниясының Ақтөбе-Мәскеу бағыты бойынша ұшатын рейсі кешіктірілген. Ақтөбе әуежайының әкімшілігі жолаушыларға әуе компанияларының ресми сайттары мен байланыс орталықтарынан рейстер туралы мәліметті алдын-ала біліп алуға кеңес береді. Қазір Ақтөбе әуежайынан ұшып шығатын 10 және ұшып келетін 8 рейс уақытынан кешігіп жатыр. Қолайсыз ауа-райынан яғни қарлы боран, ұшу қауіпсіздігі үшін әуе кемелерін мұзға қарсы сұйықтықпен өңдеу жүргізудің мүмкін еместігіне байланысты, Ақтөбе халықаралық әуежайына келіп-кететін рейстері едәуір кешігуде. "Эйр Астана" мен "SCAT" әуе компанияларының лайнерлері өз уақыттарынан жаңылған. Сонымен қатар, Ақтөбе-Ыстанбұл бағыты бойынша Turkish Airlines әуе компаниясының рейсі, Ақтөбе-Мәскеу бағыты бойынша "Аэрофлот" әуе компаниясының рейстері кешеден бері кешігіп жатыр. Әуежайдан нақтыланғандай, бүгін Ақтөбе аспаны ашық. Барлық бағыттарды қабылдауға дайын болды. Бірақ, Нұр-Сұлтан, Орал қалаларына екі бағыт бойынша да ұшақтар жіберілмеді. Ертең де қолайсыз ауа-райы болжанып отырғандықтан бірнеше ішкі және сыртқы бағыт уақыттары таблода көрсетілген кестеден ауытқуы мүмкін.

Сайт телеканала [ Ссылка ]
Twitter [ Ссылка ]
Вконтакте [ Ссылка ]

свернуть