Pas gati më shumë se 1 viti që prej miratimit të ligjit për “Tregjet financiare të bazuara në teknologjinë e regjistrave të shpërndarë”, Autoriteti i Mbikëqyrjes Financiare ka nxjerrë për konsultim publik setin e parë të projektrregulloreve të ligjit që rregullon tregtimin dhe ruajtjen e kriptomonedhave.
Në draftet e publikuara në faqen zyrtare të Autoritetit përcaktohet se subjektet që do të ushtrojnë veprimtarinë e tyre në tregjet financiare bazuar në teknologjinë e regjistrave të shpërndarë duhet të sigurojnë një nivel të mjaftueshëm të kapitali.
Më konkretisht, sipas draftrregulloreve ccdo agjent i tokenit digjital, TD duhet të vërtetojë se ka një kapital fillestar minimal prej 18 milionë lekë në dispozicion përmes një dokumenti të lëshuar në një nga bankat e nivelit të dytë në vend.
Së bashku me këtë dokument, subjekti duhet të bashkëngjisë edhe aplikimin për marrjen e licencës nga AMF.
Më e lartë është vlera e kapitalit fillestar minimal të bursës DLT ku mund të listohen apo tregtohen tokenë digjitalë të shërbimeve, pagesave apo asetevee që ndahet në disa kategori që licencohet nga AMF dhe AKSHI.
Për kategorinë A përllogaritet në 20 milionë lekë, për kategorinë B kapitali fillestar duhet të jetë 60 milionë lekë si dhe për kategorinë C vlera e tij arrin në 90 milionë lekë.
Ndërsa për kujdestarin e portofolit të palëve të treta që është person juridik që ofron shërbime të ruajtjes së kujdestarisë së çelësave kriptografikë privatë për llogari të klientëve në rregullore propozohet një kapital fillestar prej 18 milionë lekë me licencë të miratuar nga Autoriteti dhe AKSHI.
Sipas AMF-së, subjektet që ushtrojnë veprimtari në këto fusha si agjentë TD, bursë DLT dhe kujdestar i portofolit të palëve të treta mund të mbulojnë përgjegjësinë e tyre profesionale përmes një police sigurimi që duhet të përfshijë mbulimin kundrejt rrezikut të humbjes së dokumenteve, paraqitjes së informacioneve të rreme, humbjet që vijnë nga ndërprerja e veprimtarisë së shoqërisë apo dëmtimet e sistemit.
Publikimi i këtyre draftrregulloreve plotëson pjesërisht kuadrin ligjor të ligjit “për tregjet financiare të mbështetura në teknologjinë e regjistrave të shpërndarë”, pasi një pjesë të akteve nënligjore do të plotësohen nga Këshilli i Ministrave për ta bërë kështu ligjin të zbatueshëm.

Ndërkohë, po si sot një vit më parë, Shqipëria ende nuk kishte emrat e rinj të Qeverisë, sepse, presidenti i asaj kohe nuk kishte shpallur ende dekretin. Por, pikërisht në 12 shtatorin e vitit të kaluar, Presidenti i Republikës së asaj kohe Ilir Meta i është drejtuar me një shkresë Prokurorisë, ku i kërkonte informacione mbi emrat e rinj të kabinetit qeveritar, që kishte propozuar kryeministri Edi Rama.
Për të gjithë emrat, Presidenti kërkonte nga Prokuroria nëse për ndonjërin prej tyre ka pasur, apo kishte procese hetimore apo penale që ishin nisur apo mund të ishin në fazë vlerësimi.
Madje, duke folur edhe për afate të tejkaluara, kreu i Shtetit i bëri thirrje Prokurorisë që nëse kishte informacione pa cenuar sekretin hetimor, t’ia përcillte institucionit sa më parë.


"Si sot një vit më parë" është një rubrikë e re në Top News, e cila rikthen në vëmendjen e publikut ngjarjet më të rëndësishme që kanë ndodhur një vit më parë. Në rubrikën prej pak minutash rikthehet ngjarja më e rëndësishme e një viti më parë nga politika, kronika, ekonomia, por edhe rajoni, bota e sporti. Nga e hëna në të premte, ora 09:45 do të ndiqni rubrikën më të re.

Për më shumë vizitoni: [ Ссылка ]

Subscribe to "Top Channel" on YouTube Channel for NEWS and TV

Shows HERE: [ Ссылка ]
For more content from click HERE: www.top-channel.tv
Like Top Channel on Facebook HERE: [ Ссылка ]
Follow Top Channel on Instagram HERE: [ Ссылка ]
Follow Top Channel on Twitter HERE: [ Ссылка ]
#sisotnjëvitmëparë#TopNews#TopChannel

свернуть