BALEN SANGAWI | بەڵێن سەنگاوی هێشتا زووە
هێشتا زووە ،
با کەمێکیتر پێ بگەی
با وەکو من
لە کورتی تەمەن تێبگەی ..
با ماری ژین
دوو چۆلەکەی خۆزگەت بخوا
بۆ سوکنایی
با سێ چوار جار ڕوو بکەیتە خوا...
بێ هیوایی
با قاچەکانت سڕ بکا
با ڕابردووت شەوان درەنگ
چەند جارێک دڵت پڕ بکا
ئەوکات
مناڵیت جێ ئەهێڵیت و پێ ئەگەیت ...
وەک ئێستای من
لە کورتی تەمەن تێ ئەگەیت
دڵنیا ئەبیت کە ژیان
ڕۆژانی پێکەوەبون بوو
_________
#مامز
#MAMZ
