1947-yildan buyon 1000 dan ziyod rezolyutsiyalar qabul qilindi, afsuski, Amerika bosimi, Amerika pozitsiyasi tufayli BMT Falastinga nisbatan adolatni tiklay olmadi, dedi Falastin muxtoriyati rahbari Mahmud Abbos Rossiyada prezident Vladimir Putin bilan muloqot chog'ida.

Abbos jahon hamjamiyati va Isroilni G'azo urushini zudlik bilan to'xtatishga chaqirar ekan, sektorga gumanitar yordam yetkazishga undamoqda. Uning aytishicha, 1948, 1967-yil fojialaridagi kabi falastinliklarning Quddus, G'arbiy Sohil va G'azodan chet mamlakatlarga qochishiga yo'l qo'yib bo'lmaydi.

Abbos Falastin muxtoriyati shubhasiz Rossiya tarafida ekani va Moskva pozitsiyasini qo'llab-quvvatlashini aytdi.

Putin Yaqin Sharqdagi vaziyatga baho berar ekan, Moskva Falastinni mustaqil davlatga aylantirish hamda G'azodagi ixtiloflarni tinch yo'l bilan hal etish pozitsiyasida qat'iy ekanini ta'kidladi.

свернуть