БІЗДІҢ YOUTUBE АРНАҒА ТІРКЕЛІҢІЗ: [ Ссылка ]
---------------------------------------------
Ақтаудағы президент резиденциясының орнына әлеуметтік және кәсіпкерлік нысандар салынатын болды. Қаланың бас жоспарына сәйкес, 225 гектар аумаққа стадион, мешіт, теңіз вокзалы және туристерді тартатын ғимараттар бой көтермек. Қала халқымен алғаш рет кездескен аймақ басшысы Нұрдәулет Қилыбай туризмді дамыту үшін көптеген істер атқарылып жатқанын да жеткізді. Толығырақ есептік жиынға қатысып қайтқан өңірдегі әріптесім айтып берсін.
Абай атындағы мәдени-демалыс кешенінде ине шаншар орын жоқ. Аймақ басшысымен кездесіп, толғандырған сұрағын қоюға келген тұрғындардың қарасы қалың. Себебі, бұл Нұрдәулет Қилыбайдың қала халқымен алғаш кездесуі. Ең алдымен, шаһар әкімі биыл атқарылған жұмыстарды жіпке тізіп, есеп берді. Әбілқайыр Байпақов әлеуметтік мәселелерге ерекше тоқталды. Әсіресе, қақаған қыста істен шығатын жылу құбырларының жаңартылып жатқанын жеткізді. Себебі, тұрғындар тарапынан шағым көбейген.
НАУРЫЗБЕК ҚҰЛТӨРЕҰЛЫ, Ақтау қаласының тұрғыны:
- Мына труба, кәріз құбырлары бәрі ауысып, жақсы болып жатыр. Магистральдық трубалар баяғы ескі советский союздан қалған трубалар ғой бұл. Біздің Ақтау қаласында мұндай үлкен масштабта ешқандай труба ауыстырылмаған. Енді соны қазір ауыстырып, үлкен магистральный трубаларды ауыстырып жатыр. 50-60 жыл емес, одан да көп жатқан трубалар бар.
Жиында ақтаулық тұрғындар көптеген мәселелерді көтерді. Халықты ең басты проблема ауыз су тапшылығы толғандырады. Сондай-ақ, қала экологиясы, білім, медицина, қымбатшылыққа қатысты бірқатар сұрақтар қойылды. Маңғыстау облысының әкімі тұрғындардың сауалына жеке-жеке жауап беруге тырысты.
Бізде Ақтауда Самалда тұр резиденциямыз. Соны сол қаладағы балаларға беріңдер, балаларға демалатын жерлерді жасаңдар деп айтылған. Ол жер чудесным образом біреудің өтіп кетіпті. Сол резиденция қашан Маңғыстау облысының балаларына қайтарылады?
НҰРДӘУЛЕТ ҚИЛЫБАЙ, Маңғыстау облысының әкімі:
- Ешкімнің қолына кеткен жоқ. Ол резиденция қазір Ақтау қаласы әкімдігінің құзырына кірді. 225 гектар жер. Қазір соған бас жоспар жасалып жатыр. Ол жерге орталық стадион салынады. Оның шешімі шықты Ақтау қаласында. Ол жерде үлкен мешіт салынады. Ол жерде балалар ойнайтын алаңшалар салынады. Біздерде теңіз вокзалы жоқ элементарно. Теңіз вокзалы салынады.
Аймақ басшысы облыс орталығында атқарылатын шаруа көп екенін жеткізді. Барлық мәселе кезең-кезеңімен шешілетінін де тілге тиек етті. Кездесуден кейін Нұрдәулет Қилыбай халықты жеке-жеке қабылдады.
-------------------------------------------------
Бишімбаев ісі - [ Ссылка ]
Су тасқыны бойынша барлық ақпарат - [ Ссылка ]
Жұмбақ өлімдер - [ Ссылка ]
Біз барлық әлеуметтік желідеміз, тіркеліңіз:
Информбюро 31 [ Ссылка ]
Informburo kz [ Ссылка ]
Facebook - [ Ссылка ]
Instagram - [ Ссылка ]
WhatApp - [ Ссылка ]
TikTok - [ Ссылка ]
Біздің сайт: www.31.kz және www.informburo.kz
#Информбюро #31арна #БастыЖаңалықтар #АқиқатынАйтайық
