Поддержите нас на boosty, это поможет нам быстрее развиваться
[ Ссылка ] номер карты Сбербанк 4817 7603 2814 9905 Можно поддержать наше служение пожертвованием
Переводом на карту Сбербанка: 4817 7603 2814 9905 29.07.2017.Նոր-Նորքի Ս.Մարիամ Աստվածածաին եկեղեցու հոգևոր հովիվ՝ Տեր Նշան քահանա Ալավերդյան
Թադեոս առաքյալ
Ղուկասի Ավետարանում (6:16) և Գործք Առաքելոցում (1:13) հայտնի է որպես Հուդա Հակոբյան: Հովհաննեսի մոտ էլ հիշվում է որպես. «Հուդա, ոչ Իսկարիովտացի» (14:22), որը վերջին Կտակի խոսակցության ընթացքում ընդհատողներից էր հետևյալ հարցով. «Տե՛ր, ի՞նչ է նշանակում, խոսքդ, որ Քեզ պիտի մեզ հայտնես, ոչ թե աշխարհին»: Հիսուսը անուղղակի պատասխանում է, որ Ինքը պիտի հայտնվի Իրեն սիրողների մեջ և ընդհակառակը՝ երբեք չպիտի երևա սեր չունեցողների մեջ: Իսկ Մատթեոս առաքյալը նրան կոչում է «Ղեբեոս, որը Թադեոս անվանվեց» (Մատթ 10:3), իսկ Մարկոսը նրան պարզապես Թադեոս է կոչում (Մարկ. 3:18): Կաթոլիկ եկեղեցին նրան նույնացնում է Հուդա Տեառնեղբոր հետ, որի անունով մի կարճ թուղթ էլ կա ընդհանրական թղթերի մեջ, որը վերջինն է հանդիսանում: Բայց արևելյան եկեղեցիները այս նույնացումը չեն ընդունում:
Սուրբ Սանդուխտ
Հայ եկեղեցու պարծանքը և նախամարտիրոսուհին է; Ինչպես որ Ս. Ստեփանոսը քրիստոնեական եկեղեցու համար, այդպես էլ Ս. Սանդուխտը Հայ Եկեղեցու համար:
Ավանդությամբ մեզ հասած հայոց Սանատրուկ թագավորի դուստրն է, որը թագավորել է 38-68թթ.: Սանդուխտը քրիստոնյա էր դարձել Թադեոս Առաքյալի քարոզչության արդյունքում: Երբ հայրը իմացավ եղելության մասին, փորձեց տարհամոզել նրան, բայց երբ Սանղուխտն անդրդվելի մնաց, հրամայեց մյուս նորահավատների շարքում բանտարկել նաև նրան: Թադեոս Առաքյալը գաղտնի բանտ այցելեց, մխիթարեց և սրտապնդեց նրանց և իր աղոթքներով նրանց շղթաները քանդվեցին: Այս տեսնելով բանտապահները և մյուս բանտարկյալները, թվով 33 հոգի, դարձի եկան, նշում է Վկայաբանությունը:
Մեր շարակնոցում, Ս. Սանդուխտ կույսին նվիրված հետևյալ մանկունք շարականը կա.
Այսօր քեզնով պարծենում է Ս. Եկեղեցին,
Ով վկայուհի Սուրբ Սանդուխտ,
Որ հայրական պաշտամունքը թողեցիր.
Քրիստոսի համար քո սուրբ արյունը թափեցիր:
Աշակերտեցիր Թադեոս Առաքյալին
Եվ ճշմարիտ հավատքի մեջ հաստատ մնացիր.
Չխառնակվեցիր հեթանոսական պաշտանմունքին,
Արժանի եղար առ Հայրը բարձրանալ:
Ազնվական կնոջ փառքից հրաժարվեցիր,
Եվ աստվածային փառքով զարդարվեցիր.
Այսօր երկնքի հրեշտակների հետ դասակից եղար.
Բարեխոս եղիր մեզ համար Տիրոջ մոտ:
