Հայաստանի կողմից ԼՂՀ-անկախության ճանաչել-չճանաչելու դեպքում Ադրբեջանի և Հայաստանի միջև պատերազմի հավանականությունը 50-50 է",- այսօր լրագրողների հետ հանդիպման ժամանակ նշել է ԼՂՀ նախկին արտգործնախարար Արման Մելիքյանը: Ըստ բանախոսի, պատերազմ կարող է ծագել միայն տարածաշրջանային համատեքստում, այլապես, ինչպես Հայաստանը, Ադրբեջանը ևս կողմ է հարցի խաղաղ կարգավորմանը: Անդրադառնալով ՀՀ կողմից ԼՂՀ անկախության ճանաչման գործընթացին, Արման Մելիքյանը ընդգծել է, որ Հայաստանը չի ճանաչում Արցախի անկախությունը այն պատճառով, որ ցանկություն չունի միայնակ լինել այդ ճանաչման հեղինակը, քանի որ Հայաստանից բացի, որևէ պետություն առայժմ չի ցանկանում ճանաչել ԼՂՀ անկախությունը, և հավելել, որ միայն այդ պատճառով "չի կարելի չճանաչել" ԼՂՀ անկախությունը: Բանախոսի խոսքով Հայաստանը ունի չօգտագործված պոտենցիալ, որն օգտագործելու դեպքում կսկսվի ճանաչման գործընթացը, Բանախոսը նշել է, որ ԼՂՀ- անկախությունը ՀՀ-ն չի կարող միանգամյա ակտով ընդունել, ինչպես, օրինակ, փորձ է արվում խորհրդարանում օրինագիծ անցկացնել:
