Сонгох эрхээ эдлэх эхний алхам бол Сонгогчдын нэрийн жагсаалтад (СНЖ) бүртгүүлсэн байхаас эхэлнэ.
Сонгуулийн тухай хуулийн 61 дүгээр зүйлээс:
- СНЖ-ыг иргэний бүртгэл, мэдээллийн сан дахь сонгогчийн бүртгэлд үндэслэн Улсын бүртгэл, статистикийн ерөнхий газар эрхлэн үйлдэнэ.
- Улсын бүртгэл, статистикийн газар нь СНЖ-ыг аймаг, нийслэл, сум, дүүрэг, баг, хороо, сонгуулийн хэсэг тус бүрээр нэгтгэн гаргаж, 2016.03.01-ний өдрөөс эхэлж сонгууль дуустал өөрийн цахим хуудаст байрлуулсан.
- Сонгогч СНЖ бүртгэгдсэн эсэх цахимаар шалгахдаа [ Ссылка ] хуудаст хандаж регистрийн дугаараа оруулан өөрт холбогдох мэдээлэлтэй танилцаарай. Хэрвээ таны мэдээлэл буруу, эсвэл бүртгэгдээгүй бол УБСЕГ-ын холбогдох байгууллагад хандан гомдол гаргаж бүртгэлээ хийлгээрэй.
- Сонгогчийг сонгуулийн зөвхөн нэг хэсэгт бүртгэнэ.
- СНЖ цаасан болон цахим хэлбэртэй байна.
- Цахим хэлбэр бүхий сонгогчдын нэрийн жагсаалт нь иргэний биеийн давхцахгүй өгөгдөл /гарын хурууны хээ/-ийн мэдээлэлд үндэслэсэн байна.
- Сонгогчийг сонгогчдын нэрийн жагсаалтад сонгуулийн хэсгийн нутаг дэвсгэрт хаягийн бүртгэл бүхий сонгогчийн нэр, эцэг /эх/-ийн нэр, нас, хүйс, регистрийн дугаар, оршин суугаа газрын хаяг гэсэн дарааллаар бүртгэх ба сонгогчийг оршин суугаа газрын хаягийн дагуу бичнэ.
