Алматыда заңды некедегі жарын атып өлтірген 48 жастағы азамат артынша өзіне қол салған. Полицейлер бұл сұмдық жағдайға отбасылық жанжал себеп болды деп отыр. Ал марқұмдардың көршілері қайғылы оқиғаға қатысты пікір білдіруден бас тартты. Қазір бұл дерекке қатысты кісі өлтіру бабы бойынша қылмыстық іс қозғалып отыр.
НҰРБОЛАТ ЖАҢАБЕКҰЛЫ, тілші:
– Қайғылы оқиға мына дәл менің артымда тұрған үйде болған. Полицейлердің дерегі бойынша кешкісін ерлі-зайыптылардың ортасында жанжал шығып, күйеуі әйелін тапаншамен атып тастаған. Сосын өзі-өзіне қол жұмсаған екен. + Біз нақты жанжалдың неден шыққанын білмейміз. Оған қатысты полицейлер ешқандай мәлімет берген жоқ. Әрі біз көршілермен тілдеспек болып, отбасы туралы, марқұмдар туралы білмедік болдық. Бірақ олар қандай бір пікір білдіруден бас тартып отыр.
Бірақ не қоңырауға жауап берген, не есік ашқан кісі болмады. Ал сәл төменіректе тұратын тұрғындар нақты не болғанын білмейміз дейді. Айтуларынша, түнде көшеде полицейлер қаптап кеткен.
Шағын аудан тұрғындары үйде төрт кісі яғни, анасы, әкесі және ұлы мен келіні тұратын дейді. Бірақ оқ атылған сәтте қариялардың үйде болған, болмағаны белгісіз. Әрі келіншегін ажал құштырған азаматтың жасы 48-де емес, 46-да екен. Ол өткен жылы құқық қорғау саласынан зейнетке шығыпты. Ал полицейлер болса, қайғылы оқиға отбасылық жанжалдан туындағанын растап отыр.
САЛТАНАТ ӘЗІРБЕК, Алматы қалалық полиция департаментінің баспасөз хатшысы:
– 48 жастағы ер адам әйелін өлтіріп, өзіне-өзі қол жұмсаған. Аталған дерек Қазақстан Республикасы Қылмыстық Кодексінің 99-бабы бойынша сотқа дейінгі тергеудің бірыңғай тізіміне тіркелді.
Қазір бұл іске қатысты тиісті сараптама жұмыстары жүргізіліп жатыр. Десе де, ерлі-зайыптылардың өлімімен аяқталған жанжал сол күйі жұмбақ қалпында қалатын секілді.
Бізді әлеуметтік желіде оқыңыздар:
Youtube -[ Ссылка ]
Facebook - [ Ссылка ]
Instagram - [ Ссылка ]
Vkontakte - [ Ссылка ]
TikTok - www.tiktok.com/@informburo31
WhatsApp Информбюро +7 777 331 31 31
#News #Kazakhstan #Жаңалықтар #Біздіңжаңалықтар #Нашиновости #Сегодня #Қазақстан #31канал
