Қызылорда облысы мен Иранның бірқатар аймағы сауда-экономикалық ынтымақтастықты арттыруға ниетті.
Әсіресе ауыл шаруашылығы саласында бірнеше жобаны бірлесіп жүзеге асырмақ. Қызылорда облысының әкімі бастаған кәсіпкерлер тобының Иранның Гүлстан және Мазандаран провинцияларына жұмыс сапары барасында осындай 8 келісімге қол қойылды.
80 миллион тұрғыны бар Иран – ет өнімдерін көп тұтынатын елдердің бірі. Олар импорттайтын қой етінің бір бөлігін Сыр өңірінен сатып алуға дайын. Бұл ретте Қызылорда облысынан біріккен кәсіпорын салынады.
