Қазір туа бітті саңырау балалардың есту қабілетін қалпына келтіруге мүмкіндік бар. Бұл үшін дүние жүзінде арнайы имплант қолданылуда. Алайда құны 5 миллион теңге болатын операцияға екінің бірі қол жеткізе алмайды.
Ал денсаулық сақтау министрлігінен бөлінген квоталар емге зәру балалардың бәріне бірдей жете бермейді.
Осыны ескерген Алматы қаласының әкімдігі «Арна-с» қайырымдылық қорымен мемлекеттік-жекеменшік әріптестік орнатты.
Соның нәтижесінде нөмірі 5-ші қалалық клиникалық ауруханада 8 балаға есту құрылғысы қойылды. Дәрігерлердің айтуынша, есту аппараты баланың сәби кезінде орнатылса, соғұрлым нәтижелі болмақ.
Себебі айналасын естіп өскен баланың тілі де ерте шығады. Жоғары технологиялы құрылғы есту қабілеті 4-ші дәрежедегі балаларға қойылады.
Құрбан Құрбанов, балалар лор-хирургі
-Құлақтың ұяшығына электрод енгізілген соң, арнайы бақылаудан өткізіледі. Құрылғы орнатылғаннан кейін құлағы естімейтін балалар, басқа да сау балалар сияқты айналадағы дыбыстарды еститін болады.
Әйгерім Жалмұратова, Дәнияның анасы
-Үш-төрт ай ғана бұрын білдік. Қарау керек, врачтарға барып күтіну керек. Жақсы болады деп ойлаймын, естіп кетеді деп ойлаймын. Арманым сол, қызым естіп, сөйлеп кетсе екен.
