Тимур Құлыбаев Ұлттық олимпиада комитетінің президенті болып сайланды. Бүгін елордада Олимпиада комитеті бас ассамблеясының отырысында комитеттің президентін сайлау өтті. Ресми жиынға қатысқан Премьер-Министр Асқар Мамин ұйымның алдығы міндеттерін айқындап берді. Үкімет басшысы ұлттық құрама командамыз 2020 жылы Токиода өтетін Олимпиада ойындарында лайықты өнер көрсету үшін қазірден бастап бар күш-жігерді жұмсау қажеттігін айтты. Сайлау барысында елімізде тіркелген 34 спорт федерациясының өкілдері Тимур Құлыбаевтың кандидатурасын қолдап дауыс берді.
