Биылғы күзгі әскерге шақыру маусымында Атырау облысы бойынша 803 жігіт Отан қорғауға аттанады.
Биыл еліміздің Қарулы Күштері қатарын 1600-ден астам атыраулық толықтыруы тиіс. Осыған орай қазір аудандар мен қалалық әскери комиссариаттардың сұрыптауынан өткен жас жігіттер облыс орталығында соңғы сынақтан өтуде.
Бір қуанарлығы әскери міндетті өтеуге ниет білдірушілер саны жыл санап артып келеді екен. Әсіресе ауыл жастарының арасында армияға деген құлшыныс жоғары көрінеді.
Андрей Беляев, облыстық қорғаныс істері департаменті бастығының орынбасары:
– Талапкерлердің денсаулықтарына кінәрат жоқ. Жақсы. Сонда да біз жан-жақты шыныққандарын ғана қабылдаудамыз. Бұл жолы біздің жігіттер Ұлттық гвардия, шекара күзеті және ішкі әскер сапында қызмет етуге барады.
