Пойтахт Москвадан шу кунларда олинган хабарларга кўра, Россия собиқ Шўро давлатлари фуқаролари ва уларнинг фарзандларига паспорт бериш жараёнини осонлаштириши мумкин. Шу кунларда бу хусусдаги махсус қонун лойиҳаси Россия Давлат Думаси томонидан қайдга олинган. Агар, янги қонун лойиҳаси маъқулланса, сиз забон, қон ва қариндошчиликдан ташқари, “заминий” асосда ҳам Россия паспортини олишингиз мумкин бўлади. “Замин”, деганда эса, собиқ Шўролар Иттифоқи ва Чор Россияси ҳудуди назарда тутилади. Аммо бу ғоянинг дастлабки ташаббускори Россия Президенти Владимир Путин экани боис, янги қонун лойиҳаси турли талқинлар ва хавотирларга ҳам сабаб бўлмай қолмаган. Таҳлилчилар орасида уни Россия империячилик амбицияларининг янгича шакли сифатида баҳолаётганлар ҳам озчиликни ташкил этмаган. Шундай экан, бу каби хавотирлар қанчалик асосли? Франциядан сиёсий таҳлилчи Камолиддин Раббимов билан суҳбатимизда – назардан қочирманг. Би-би-си Ўзбек хизматининг видеоларини www.bbcuzbek.com да ҳам кўришингиз мумкин.

свернуть