Коронавирусты анықтайтын экспресс тест Алматыда өндіріле бастады. КОВИД-19 инфекциясының ағзада бар немесе жоғын 15-ақ минутта көрсетіп беретін тестті үй жағдайында қолдануға болады. Алайда, оның жарамдылығы ПТР тестпен бірдей ме? Экспресс тесттің нәтижесі қай жерлерге жарамды? Әріптесім Өмір Серікбекұлы отандық өнім дайындалатын зауытқа барып келді.
ӨМІР СЕРІКБЕКҰЛЫ, Тілші:
– Коронавирусты анықтайтын экспресс тесттің ең маңызды бөлшегі мына қағаз. Сырты қарапайым болғанымен, мұнда мембраналық жолақ орнатылған. Ал оның екі шеті мынадай пластмаспен жабылады. Бұл дайын экспресс тест.
Бұл тестті үй жағдайында өзіңіз қолдансаңыз болады. Арнайы таяқшаны ауыз бен мұрын қуысына апарып, сілекейдің үлгісін алу керек. Нәтижесі 15 минуттан соң белгілі болады.
ҚАЛАМҚАС БЕКСЫРҒАЕВА, Экспресс тест өндіретін компанияның техникалық директоры:
– Біздің үлгіміз оң нәтиже көрсетсе, касетада екі түрлі сызық пайда болады. Теріс нәтиже көрсетсе касетада бір сызық пайда болады.
Бірақ шет ел мен басқа да қажетті ресми органдарға бұл тесттің нәтижесі жарамсыз. Санитарлық эпидемиологиялық бақылау комитеті коронавирусты анықтаудың бір-ақ түрі бар екенін айтады.
ЕРЖАН БАЙТАНАЕВ, Санитарлық эпидемиологиялық бақылау комитетінің ресми өкілі:
– Бізде әлі экспресс тесттермен жүргізілуі жүргізіліп жатыр. Бірақ 100 пайыздық нақты адам ауырып жатыр ма? Коронавирус инфекциясын жұқтырды ма? деген сұраққа 100 пайыз жауап беретін жолдың бірі - ол тек қана ПТР тест.
Қазір экспресс тест өндіретін компания Алматы қаласының санитарлық-эпидемиологиялық бақылау департаментіне бұл өнімнің құқығын ПТР тестпен теңестіру үшін өтінім жолдаған екен. Бірақ, әзірге ешқандай жауап келмепті.
Өмір Серікбекұлы Думан Сүлейменов
Бізді әлеуметтік желіде оқыңыздар:
Youtube -[ Ссылка ]
Facebook - [ Ссылка ]
Instagram - [ Ссылка ]
Vkontakte - [ Ссылка ]
TikTok - www.tiktok.com/@informburo31
WhatsApp Информбюро +7 777 331 31 31
#ПТР #эксперсс_тест #коронавирус #тест #анықтау #өндіріс
