Түркияның оңтүстік-шығысындағы жойқын жер сілкінісінен қайтыс болғандардың саны әлі де өсіп жатыр. Соңғы деректерге сәйкес, зілзала кезінде 46 мыңнан аса адам көз жұмған. Бұл туралы Түркия Президенті Реджеп Тайып Ердоған мәлімдеді.
Ал Сириядағы жер сілкінісінен қайтыс болғандардың саны 6 мың адамнан асып отыр. Бірақ мамандар Түркия мен Сирияда 6 ақпанда болған жойқын зілзала салдарынан қаза тапқандар мен зардап шеккендердің нақты саны әлі белгісіз екенін айтады. Өйткені тұрғындардың көбі хабар ошарсыз жоғалып кеткендердің қатарында. Ал Түркия мен Сириядағы жер сілкінісінен кейін 850 мың бала баспанасыз қалған. Біріккен Ұлттар Ұйымының мәліметінше, екі елде зілзала болғалы бір ай өтсе де, мыңдаған бала әлі күнге үйсіз жүр. Соның салдарынан балалар уақытша пәтерлерде тұрып жатыр. Юнисеф балалар қорының сарапшылары да, қиын жағдайға тап болған балалардың әсіресе психологиялық көмекке зәру екенін атап өтті. Айта кетейік, Түркиядағы жер сілкінісі кезінде үш Қазақстан азаматы қайтыс болған. Олардың денесі елге жеткізіліп, туған жерінде жерленді.
Бізді әлеуметтік желіде оқыңыздар:
Youtube -[ Ссылка ]
Facebook - [ Ссылка ]
Instagram - [ Ссылка ]
Vkontakte - [ Ссылка ]
TikTok - www.tiktok.com/@informburo31
WhatsApp Информбюро +7 777 331 31 31
#News #Kazakhstan #Жаңалықтар #Біздіңжаңалықтар #Нашиновости #Сегодня #Қазақстан #31канал
