الحدود الدنيا للعام الماضي 2022
[ Ссылка ]
القناة:
FOA CHANEL
[ Ссылка ]
البوت الخاص بالدعم
[ Ссылка ]
اعرف كليتك لطلاب الازهر:
ازاي أرتب الرغبات بشكل صحيح!؟
_____
بدايةً تسجيل الرغبات غالبا هيفتح بكرة، بس أتوقع إنه لسه مش أكيد، وممكن الأحد أو الاثنين.. ما علينا، دلوقتي اللي يهمنا، هو السؤال ده، يعني ايه رغبات؟ وازاي أرتبها؟
أولا لازم تفهم إن تسجيل الرغبات غير التنسيق، التنسيق ده اللي هو عبارة عن نتيجة تسجيل الرغبات، اللي بتقلك أنت اتقبلت في كلية ايه، ثم تظهر كل كلية خدت من كام.
أما تسجيل الرغبات هو إنك ترتب الكليات اللي قدامك ترتيب صح، عشان يجيلك الكلية اللي أنت عاوزها ميجلكش حاجة غلط.
عشان نرتب الكليات صح، لازم تكون رقم:
١- حاطط كليات محددة في دماغك، وعامل بدائل مناسبة احتياطا عشان لو التنسيق زاد أو قل تبقى عارف هتدخل ايه.
٢- تبدأ ترتب من الأعلى للأقل، ومن القريب لمجموعك.
٣- ترتب من اللي أنت عاوزه، ثم البديل ليه.
مثال: أسماء جابت ٨٠٪، وأسماء كان مفسها تدخل لغات أسباني بس الأسباني من ٨١٪، فأسماء شافت ايه المتاح لمجموعها فلقت أقرب حاجات ليها لغات فارسي كانت ٨٠٪ ورياض أطفال ٨٠٪، وعلم نفس ٧٩٪، ومش عارفة التنسيق هيزيد ولا هيقل، يا ترى أسماء تعمل ايه؟
نقلها:
١- يا أسماء أنت شاطرة وعاقلة ومبتسأليش أسئلة تافهة، وعرفتي ايه المتاح ليكِ خلاص، فدلوقتي متاح ليك فارسي، وأطفال، وعلم نفس.. بعد مقرأتي تعريفات الكليات وفهمتي الدنيا، شايفة أنهي كلية أنسب ليكِ؟
طبعا أسماء هتقلنا المناسب ليها من المتاح فارسي، أو دي أكتر كلية حبتها.
طيب كده أسماء تبدأ تملى الرغبات بفارسي صح؟
أقلك لا غلط، ممكن بعد ما تملى فارسي أول خانة يروح التنسيق يقل، فكانت ممكن تلحق أسباني عشان نزل ١٪.
يبقى الصح أسماء تملى أي كلية كان نفسها فيها بس واقعيا مش هتلحقها في البداية، فلو هي علمي ممكن تحط الكليات الطبية والهندسة والحاجات العالية دي بأي ترتيب ما داموا بعاد عن مجموعها، ثم أول ما تقرب من الكليات القريبة من مجموعها، تبدأ بقا تركز:
فتبدأ بأسباني اللي هي أعلى منها بس كان نفسها فيها، بعدها تحط فارسي اللي هي أكتر حاجة حبتها من المتاح، ثم تحط البدائل بترتيب الأفضل بالنسبة لها فيهم.
ليه بنركز في النقطة دي؟
- عشان لو التنسيق قل تقدر تطول الأعلى منها ومتضعش عليها.
- عشان لو التنسيق زاد هتضطر تفكر في البدائل، فلازم ترتب ترتيب كويس جدًا الكليات اللي أعلى منها ب٣٪ على الأقل، واللي أقل منها ب٣٪ برضو على الأقل، الباقي ممكن تعمل فيهم أي حاجة عادي عشان تنجز.
أظن مفيش أسهل من كده توضيح، حتى اسألوا أسماء، من وقتها وهي بتشكر فيّ. 🧡
أرجوكم كونوا مثل أسماء. 😌
كده فاضل أشرح ازاي نعمل ده كخطوات وإجراءات على الموقع، وهشرحهم بالكلام والصور بالتفصيل إن شاء الله..
القناة:
FOA CHANEL
[ Ссылка ]
ازاي أسجل الرغبات على الموقع؟
١- لازم تكون قرأت المنشور اللي قبل ده الأول عشان تكون فهمت الفكرة.
٢- لازم يكون معاك الكود السري أو كود التنسيق اللي مكتوب على شهادتك الثانوية.
٣- لازم يكون معاك الرقم القومي سواء من البطاقة أو شهادة الميلاد.
٤- نبدأ ونركز بقا في الخطوات الفعلية:
أولًا هتدخل على الرابط ده: [ Ссылка ]
ثانيًا هتلاقي مكتوب خدمات تنسيق الثانوية الأزهرية زي ما موضح في الصورة الأولى.
ثالثًا هتدخل هتلاقي مكتوب أول خانة تسجيل الرغبات زي ما موضح في الصورة الثانية.
رابعًا هتملى البيانات اللي واضحة في الصورة الثالثة.
هيروح مدخلك على قائمة الرغبات، هتلاقي على يمينك خانات فاضية لازم تملاها كلها، وهتلاقي في أعلى الصفحة إنك تختار الكلية، فكل ما تضغط على الكلية فوق هتنزل في الخانة الأولى، ثم الثانية، وهكذا..
لحد ما تملى الخانات زي ما شرحنا ازاي نرتب قبل كده.
خامسًا بعد ما تملى الصفحة، هتكمل الخطوة التالية بإكمال البيانات زي ما في الصورة الرابعة.
سادسًا هتعمل طباعة للوصل زي ما في الصورة الخامسة.
ملاحظات مهمة سريعة:
١- أول ما تفتح الموقع بييدأ يعد عليك ٦٠دقيقة، لازم تخلص قبل ما الساعة ما تخلص.
٢- تسجيل الرغبات بيستمر من ٥ل٧ أيام، لو عملت رغباتك أول يوم ممكن تعدل رغباتك في أي يوم تاني، بس مينفعش تدخل أكتر من مرة في اليوم لو الوقت خلص عف، وخد بالك من الوقت كويس،ولو حسيت هيخلص وأنت لسه مخلصتش، اقفل الموقع وشغله من تاني.
٣- تعديل الرغبات بيكون عن طريق إنك إما تحذف رغبة أو تضيف، أو بين الأسهم الموجودة على اليمين زي ما في الصورة السادسة والسابعة تقدر تبدل بين الرغبات لفوق وتحت.
أي استفسارات في النقط دي فقط، تقدروا تسألوا وهجاوب إن شاء الله.. 🙂
ودي صور الشرح
في الزر التالي
القناة:
FOA CHANEL
[ Ссылка ]
