Мәскеудің ең ірі жылыжайларының бірінде 7 мыңнан астам қызғалдақ пен өзге де баданалы өсімдіктер мезгілінен ерте гүлдеді.
Ресейдің көне Ботаника бағының жылыжайында пияз тұқымдас гүлдің шамамен 200 сорты бар. Нәркес, зағыпыран, сүмбіл мен алагүлдер осылайша екі айға ерте гүл ашқан.
Көп ұзамай ботаникалық бақта гүлдер фестивалі өткізіледі.
Дәстүрлі шара сакура, магнолия, мамыргүл мен өрік гүлдеген кезде басталады.
Келушілердің басым бөлігі әсем гүлдер арасында суретке түседі. Сондай-ақ табиғаттың сұлулығынан шабыт алатын қылқалам шеберлері де көп болады.
