Ndryshimi i ligjit në shtator të vitit të kaluar, që i hap rrugë policisë së shtetit që të ofrojë shërbime në sektorin privat, deri edhe në ruajtjen për 3 muaj të personave juridikë që janë në rrezik kundrejt pagesës kritikohet nga Këshilli i Europës.
Grupi i Vendeve Kundër Korrupsionit, GREKO thotë se ky vendim rrit rreziqet për korrupsion dhe konflikt interesi në radhët e policisë. GRECO vëren se vendimi është marrë pa pasur një vlerësim të riskut të korrupsionit dhe konfliktit të interesit në ofrimin e shërbimeve për subjekte, apo individë privatë nga ana e policisë së shtetit.
Me ndryshimet në ligj dhe vendimin e shtatorit të qeverisë, Policia e Shtetit mund të ofrojë tashmë disa shërbime shtesë kundrejt pagesës për persona juridikë e fizikë, publik ose privat nëse ata e kërkojnë.
Policisë i krijohet hapësirë të ruajë me pagesë për një periudhë deri në 3 muaj persona juridikë publikë me rëndësi strategjike aktiviteti i të cilëve vlerësohet në rrezik si dhe personat që kanë përfituar statusin e investitorit strategjik në Shqipëri.
Policia mund të ofrojë mbështetjen e saj në zhvillimin e aktiviteve kulturore, e sportive, si koncerte, panaire, teatro e ndeshje, në mjedise të hapur e të mbyllura publike. Në të gjitha rastet siguria ruhet nga Policia e Shtetit kur organizatorët nuk kanë kontraktuar sigurim fizik privat.
Vendimi i hap rrugë edhe vënien e përdorim të uniformës së Policisë së Shtetit, armëve me fishekë manovre, pajisjeve të tjera, mjeteve të loguara policore dhe ambienteve, në fushën e kinematografisë, gjatë zhvillimit të xhirimeve filmike.
Top News është televizion informativ, i hapur në shkurt të vitit 2007. I konceptuar si format news, prioritet i saj është informimi i publikut përmes lajmit të fundit. Lidhje live për politikën, aktualitetin, kronikën, ekonominë, rajonin, botën, sportin, teknologjinë dhe show biz-in. “ Informohu i pari” , slogani për 24 orë lajme . Sjellim ndryshe realitetin mediatik në Shqipëri, ofrojmë një burim informacioni të saktë, të shpejtë, të besueshëm dhe të thelluar.
Për më shumë vizitoni: [ Ссылка ]
Subscribe to "Top Channel" on YouTube Channel for NEWS and TV
Shows HERE: [ Ссылка ]
For more content from click HERE: www.top-channel.tv
Like Top Channel on Facebook HERE: [ Ссылка ]
Follow Top Channel on Instagram HERE: [ Ссылка ]
Follow Top Channel on Twitter HERE: [ Ссылка ]
#TopNews#Shërbimet#Policia
