“Neftçi-2” Əvəzedicilər Liqasının ikinci dövrəsini lider kimi başa vurub. “Ağ-qaralar” 18-ci turda ən yaxın izləyicisi “Turan Tovuz-2” ilə səfərdən 1 xalla ayrılmaqla buna nail olub. Tovuz şəhər stadionunda keçirilən oyunun 67-ci dəqiqəsində meydan sahiblərinin üzvü Elçin Qasımov hesabı açsa da, futbolçumuz Elcan Əbilov 85-ci dəqiqədə bərabərlik qolunu vurub – 1:1.
Qeyd edək ki, “Neftçi-2” 18 turdan sonra 40 xalla turnir cədvəlində 1-ci, “Turan Tovuz-2” isə 39 xalla 2-ci yeri tutur.
